yun usne apni chah ka mehwar badal diya

yuuñ us ne apnī chaah kā mehvar badal diyā

jaise mirā maqām hī yaksar badal diyā

us ne kahā ki tum se mohabbat hai aaj bhī

aur us ke baa'd phone kā number badal diyā

tum par na jaane hijr kā kitnā huā asar

mere liye to tum ne calendar badal diyā

hone se us ke thī mire chehre pe tāzgī

phir us ne merā rang bichhaḌ kar badal diyā

jis roz vo milā thā badal sā gayā thā maiñ

aur jā ke us ne mujh ko mukarrar badal diyā

'adnān' kuchh na mujh meñ bachā yā'nī vaqt ne

bāhar badal diyā mirā andar badal diyā

yun us ne apni chah ka mehwar badal diya

jaise mera maqam hi yaksar badal diya

us ne kaha ki tum se mohabbat hai aaj bhi

aur us ke ba'd phone ka number badal diya

tum par na jaane hijr ka kitna hua asar

mere liye to tum ne calendar badal diya

hone se us ke thi mere chehre pe tazgi

phir us ne mera rang bichhaD kar badal diya

jis roz wo mila tha badal sa gaya tha main

aur ja ke us ne mujh ko mukarrar badal diya

'adnan' kuchh na mujh mein bacha ya'ni waqt ne

bahar badal diya mera andar badal diya