sher kahte hain gungunate hain

she'r kahte haiñ gungunāte haiñ

ham tirā hijr yuuñ manāte haiñ

chhoḌ jā.eñge saath terā bhī

ye sabhī jhūTe rishte-nāte haiñ

tere ġham ko bhī kab talak ro.eñ

aa tujhe apnā ġham batāte haiñ

kar ke apnā tujhe ḳhayāloñ meñ

ham baḌī der muskurāte haiñ

tū ne jaanā hai gar to jaldī jā

ham zarā der tak nibhāte haiñ

ai mire dil-nashīñ batā mujh ko

rābte aise toḌe jaate haiñ

likhte haiñ naam terā hāthoñ par

phir usī naam ko miTāte haiñ

pahle karte haiñ pyaar kā 'aadī

aur phir tanhā chhoḌ jaate haiñ

dushmanoñ se gila nahīñ 'irdum'

ham ko apne bahut satāte haiñ

she'r kahte hain gungunate hain

hum tera hijr yun manate hain

chhoD jaenge sath tera bhi

ye sabhi jhuTe rishte-nate hain

tere gham ko bhi kab talak roen

aa tujhe apna gham batate hain

kar ke apna tujhe KHayalon mein

hum baDi der muskuraate hain

tu ne jaana hai gar to jaldi ja

hum zara der tak nibhate hain

ai mere dil-nashin bata mujh ko

rabte aise toDe jate hain

likhte hain nam tera hathon par

phir usi nam ko miTate hain

pahle karte hain pyar ka 'adi

aur phir tanha chhoD jate hain

dushmanon se gila nahin 'irdum'

hum ko apne bahut satate hain