haal-e-dil sher mein late hue ro paDti hun
hāl-e-dil she'r meñ laate hue ro paḌtī huuñ
terī tasvīr banāte hue ro paḌtī huuñ
bāñdh rakkhā hai tirī yaad ke pahlū se ye dil
dasht meñ ret uḌāte hue ro paḌtī huuñ
ab to kahtī huuñ ta'alluq hī nahīñ tujh se mirā
ab to ye raaz chhupāte hue ro paḌtī huuñ
dil kī hālat kisī bachche kī tarah hotī hai
āsmāñ sar pe uThāte hue ro paḌtī huuñ
kitne she'roñ meñ tarāshā thā tujhe apne liye
kitnī ġhazloñ ko jalāte hue ro paḌtī huuñ
terī qismat kā sitāra thā hathelī meñ mirī
ab lakīroñ ko milāte hue ro paḌtī huuñ
haal-e-dil she'r mein late hue ro paDti hun
teri taswir banate hue ro paDti hun
bandh rakkha hai teri yaad ke pahlu se ye dil
dasht mein ret uDate hue ro paDti hun
ab to kahti hun ta'alluq hi nahin tujh se mera
ab to ye raaz chhupate hue ro paDti hun
dil ki haalat kisi bachche ki tarah hoti hai
aasman sar pe uThate hue ro paDti hun
kitne she'ron mein tarasha tha tujhe apne liye
kitni ghazlon ko jalate hue ro paDti hun
teri qismat ka sitara tha hatheli mein meri
ab lakiron ko milate hue ro paDti hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
