ab kahan hum kisi se Darte hain
ab kahāñ ham kisī se Darte haiñ
haañ magar 'āshiqī se Darte haiñ
is qadar jurm kar chuke haiñ ham
un ke dar hāzirī se Darte haiñ
jaane vāloñ kā ġham nahīñ ham ko
un kī ab vāpsī se Darte haiñ
un se milnā to chāhte haiñ par
logoñ kī bad-zanī se Darte haiñ
jaane kis vaqt gul khilā.e kyā
is liye sāmrī se Darte haiñ
'ishq se 'sā'dī' ye huā mā'lūm
log kyuuñ har kisī se Darte haiñ
ab kahan hum kisi se Darte hain
han magar 'ashiqi se Darte hain
is qadar jurm kar chuke hain hum
un ke dar haziri se Darte hain
jaane walon ka gham nahin hum ko
un ki ab wapsi se Darte hain
un se milna to chahte hain par
logon ki bad-zani se Darte hain
jaane kis waqt gul khilae kya
is liye samri se Darte hain
'ishq se 'sa'di' ye hua ma'lum
log kyun har kisi se Darte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
