wo aankhen KHub-surat hain wo chehra KHub-surat hai

vo āñkheñ ḳhūb-sūrat haiñ vo chehra ḳhūb-sūrat hai

use dekhā to jaanā ye ki duniyā ḳhūb-sūrat hai

kareñ to ham kareñ kaise bayāñ us ke bayānoñ kā

hai shīrīñ guftugū us kī vo lahja ḳhūb-sūrat hai

jabīñ raushan hai raushan 'āriz-o-gulfām-o-lab us ke

kahūñ kyā kyā bhalā tum se vo kitnā ḳhūb-sūrat hai

hayā bhī hai nigāhoñ meñ adā.eñ bhī balā kī haiñ

aur us par barq nazroñ kā ishāra ḳhūb-sūrat hai

ba-jā 'mushtāq' be-had ḳhūb-sūrat haiñ jahāñ vaale

kise dekhūñ magar ab kaun tujh sā ḳhūb-sūrat hai

wo aankhen KHub-surat hain wo chehra KHub-surat hai

use dekha to jaana ye ki duniya KHub-surat hai

karen to hum karen kaise bayan us ke bayanon ka

hai shirin guftugu us ki wo lahja KHub-surat hai

jabin raushan hai raushan 'ariz-o-gulfam-o-lab us ke

kahun kya kya bhala tum se wo kitna KHub-surat hai

haya bhi hai nigahon mein adaen bhi bala ki hain

aur us par barq nazron ka ishaara KHub-surat hai

ba-ja 'mushtaq' be-had KHub-surat hain jahan wale

kise dekhun magar ab kaun tujh sa KHub-surat hai