waswason se ishq ke humne kinara kar liya
vasvasoñ se 'ishq ke ham ne kinārā kar liyā
thī ḳhasāre meñ bhalā.ī so ḳhasāra kar liyā
us taraf us ne talāshe log qurbat ke liye
is taraf maiñ huuñ ki ḳhalvat meñ guzārā kar liyā
pahle pahle 'ishq meñ puḳhta rahe the hausle
dūsrī koshish meñ lekin istiḳhāra kar liyā
ye na batlā tū mujhe kyā thā mirā ne'mul-badal
mujh ko bas tū ye batā kaise gavārā kar liyā
ġhair-mumkin thā mirā vāpas palaT aanā magar
'chashm' ne phir se tirā zauq-e-nazāra kar liyā
waswason se 'ishq ke hum ne kinara kar liya
thi KHasare mein bhalai so KHasara kar liya
us taraf us ne talashe log qurbat ke liye
is taraf main hun ki KHalwat mein guzara kar liya
pahle pahle 'ishq mein puKHta rahe the hausle
dusri koshish mein lekin istiKHara kar liya
ye na batla tu mujhe kya tha mera ne'mul-badal
mujh ko bas tu ye bata kaise gawara kar liya
ghair-mumkin tha mera wapas palaT aana magar
'chashm' ne phir se tera zauq-e-nazara kar liya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
