shaKH-e-imkan par koi kanTa uga koi ghuncha khila maine ghazlen kahin

shāḳh-e-imkān par koī kāñTā ugā koī ġhuncha khilā maiñ ne ġhazleñ kahīñ

zo'm-e-'īsā-gurezī meñ jo bhī huā maiñ ne hone diyā maiñ ne ġhazleñ kahīñ

log chīḳhā kiye vo jo mā'būd hai bas usī kī sanā bas usī kī sanā

merī shah-rag se mere ḳhudā ne kahā mujh ko apnī sunā maiñ ne ġhazleñ kahīñ

habs-e-bejā meñ thī shahr kī jab havā aap jiite rahe aap kā hausla

maiñ usūloñ vaġhaira kā maarā huā mujh ko marnā paḌā maiñ ne ġhazleñ kahīñ

koī dukh bhī na ho koī sukh bhī na ho aur tum bhī na ho aur misra' kaheñ

aisā mumkin nahīñ aisā hotā nahīñ lekin aisā huā maiñ ne ġhazleñ kahīñ

'ishq do hī mile maiñ ne donoñ kiye ik haqīqī kiyā ik majāzī kiyā

maiñ musalmān bhī aur 'salmān' bhī maiñ ne kalma paḌhā maiñ ne ġhazleñ kahīñ

shaKH-e-imkan par koi kanTa uga koi ghuncha khila main ne ghazlen kahin

zo'm-e-'isa-gurezi mein jo bhi hua main ne hone diya main ne ghazlen kahin

log chiKHa kiye wo jo ma'bud hai bas usi ki sana bas usi ki sana

meri shah-rag se mere KHuda ne kaha mujh ko apni suna main ne ghazlen kahin

habs-e-beja mein thi shahr ki jab hawa aap jite rahe aap ka hausla

main usulon waghaira ka mara hua mujh ko marna paDa main ne ghazlen kahin

koi dukh bhi na ho koi sukh bhi na ho aur tum bhi na ho aur misra' kahen

aisa mumkin nahin aisa hota nahin lekin aisa hua main ne ghazlen kahin

'ishq do hi mile main ne donon kiye ek haqiqi kiya ek majazi kiya

main musalman bhi aur 'salman' bhi main ne kalma paDha main ne ghazlen kahin