KHwab taKHliq kar rahe hain KHwab
ḳhvāb taḳhlīq kar rahe haiñ ḳhvāb
aañkh khulte hī mar rahe haiñ ḳhvāb
qatra-qatra simaTtī tā'bīreñ
zarra-zarra bikhar rahe haiñ ḳhvāb
aaj chehra bhī koī yaad nahīñ
pahle azbar magar rahe haiñ ḳhvāb
itnī talḳhī kahāñ haqīqat meñ
jis qadar zahr bhar rahe haiñ ḳhvāb
baiTh kar jhiil ke kināre par
Duub jaane se Dar rahe haiñ ḳhvāb
aaj 'az.har' kisī kī āñkhoñ meñ
lamha-lamha utar rahe haiñ ḳhvāb
KHwab taKHliq kar rahe hain KHwab
aankh khulte hi mar rahe hain KHwab
qatra-qatra simaTti ta'biren
zarra-zarra bikhar rahe hain KHwab
aaj chehra bhi koi yaad nahin
pahle azbar magar rahe hain KHwab
itni talKHi kahan haqiqat mein
jis qadar zahr bhar rahe hain KHwab
baiTh kar jhil ke kinare par
Dub jaane se Dar rahe hain KHwab
aaj 'azhar' kisi ki aankhon mein
lamha-lamha utar rahe hain KHwab
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
