har qadam par kisi kohram ne aankhen kholin

har qadam par kisī kohrām ne āñkheñ kholīñ

kis qadar gardish-e-ayyām ne āñkheñ kholīñ

darmiyāñ koī to parda thā haqīqat na dikhī

har ghaḌī hasrat-e-nākām ne āñkheñ kholīñ

kitnī dil-kash thī tire 'ishq meñ gumrāhī bhī

haa.e kyuuñ is dil-e-nā-kām ne āñkheñ kholīñ

ham mile bā'd-e-javānī to lagā yuuñ jaise

din ke Dhalte hī hasīñ shaam ne āñkheñ kholīñ

Duub jaane ko khaḌā thā maiñ lab-e-dariyā pe

aur ik ḳhvāhish-e-gumnām ne āñkheñ kholīñ

tum kise pyaas kī shiddat se Darāne aa.e

dasht kī ret pe islām ne āñkheñ kholīñ

iltijā karne lage bhīshm utar kar rath se

ran meñ jab krodh se ghanshyām ne āñkheñ kholīñ

khul ga.iiñ beḌiyāñ vasdev kī ḳhud hī 'yāvar'

kans kī qaid meñ jab shyām ne āñkheñ kholīñ

har qadam par kisi kohram ne aankhen kholin

kis qadar gardish-e-ayyam ne aankhen kholin

darmiyan koi to parda tha haqiqat na dikhi

har ghaDi hasrat-e-nakaam ne aankhen kholin

kitni dil-kash thi tere 'ishq mein gumrahi bhi

hae kyun is dil-e-na-kaam ne aankhen kholin

hum mile ba'd-e-jawani to laga yun jaise

din ke Dhalte hi hasin sham ne aankhen kholin

Dub jaane ko khaDa tha main lab-e-dariya pe

aur ek KHwahish-e-gumnam ne aankhen kholin

tum kise pyas ki shiddat se Darane aae

dasht ki ret pe islam ne aankhen kholin

iltija karne lage bhishm utar kar rath se

ran mein jab krodh se ghanshyam ne aankhen kholin

khul gain beDiyan wasdew ki KHud hi 'yawar'

kans ki qaid mein jab shyam ne aankhen kholin