apni misal aap hai ye tajziya mera

apnī misāl aap hai ye tajziya mirā

chehre tamām us ke haiñ aur aa.ina mirā

be-nām hasratoñ kī yahāñ uḌ rahī hai ḳhaak

ik dasht-e-ārzū hai dil-e-mubtalā mirā

novel ke bas kī baat nahīñ dāstāñ mirī

ik nazm bāñdh legī magar vāqi'a mirā

tā'bīr kī talab ne kiyā munhadim mujhe

ḳhvāboñ kī TūT-phūT meñ thā irtiqā mirā

sab ko talāsh jis kī hai manzil to hai vahī

sab se hī muḳhtalif hai magar rāsta mirā

rāh-e-farār tak na milegī mujhe kahīñ

ḳhud se agar paḌā jo kabhī vāsta mirā

takmīl-e-fan ke naam pe miTtā rahā huuñ maiñ

nuqsān-deh rahā hai mujhe fā.eda mirā

apni misal aap hai ye tajziya mera

chehre tamam us ke hain aur aaina mera

be-nam hasraton ki yahan uD rahi hai KHak

ek dasht-e-arzu hai dil-e-mubtala mera

nowel ke bas ki baat nahin dastan meri

ek nazm bandh legi magar waqi'a mera

ta'bir ki talab ne kiya munhadim mujhe

KHwabon ki TuT-phuT mein tha irtiqa mera

sab ko talash jis ki hai manzil to hai wahi

sab se hi muKHtalif hai magar rasta mera

rah-e-farar tak na milegi mujhe kahin

KHud se agar paDa jo kabhi wasta mera

takmil-e-fan ke nam pe miTta raha hun main

nuqsan-deh raha hai mujhe faeda mera