har ek sai-e-KHirad be-kar Thahri

har ik sa'ī-e-ḳhirad be-kār Thahrī

junūñ kī baat hī har baar Thahrī

na jab ahl-e-ḳhirad ne baat maanī

to phir shart-e-salīb-o-dār Thahrī

mahak pahchāntī hai ḳhūn-e-dil kī

zamīn-e-kūcha-e-dildār Thahrī

tū hī ḳhud dekh shah-rag bach rahī hai

kahāñ aa kar tirī talvār Thahrī

junūñ ko DhūñDne niklī to ham par

nigāh-e-lamha-e-bedār Thahrī

kabhī maqtal rahā hogā yaqīnan

jahāñ zanjīr kī jhankār Thahrī

pilā.ūñ chāñd kā amrit kahāñ tak

ye duniyā roz kī bīmār Thahrī

yahī to imtihān-e-rah-ravī hai

tamannā dasht ke us paar Thahrī

har ek sa'i-e-KHirad be-kar Thahri

junun ki baat hi har bar Thahri

na jab ahl-e-KHirad ne baat mani

to phir shart-e-salib-o-dar Thahri

mahak pahchanti hai KHun-e-dil ki

zamin-e-kucha-e-dildar Thahri

tu hi KHud dekh shah-rag bach rahi hai

kahan aa kar teri talwar Thahri

junun ko DhunDne nikli to hum par

nigah-e-lamha-e-bedar Thahri

kabhi maqtal raha hoga yaqinan

jahan zanjir ki jhankar Thahri

pilaun chand ka amrit kahan tak

ye duniya roz ki bimar Thahri

yahi to imtihan-e-rah-rawi hai

tamanna dasht ke us par Thahri