raushni ho gai charaghon se
raushnī ho ga.ī charāġhoñ se
dil bujhā hī rahā gunāhoñ se
bāġhbāñ zulm kar rahe ho tum
duur kar ke guloñ ko shāḳhoñ se
ḳhud ko qaabū meñ kar nahīñ paayā
bah paḌe ashk merī āñkhoñ se
dhaḌkaneñ tez hotī jaatī haiñ
us kī bātoñ se aur ḳhayāloñ se
munsifo un ko bhī sazā do zarā
qatl karte haiñ jo nigāhoñ se
zindagī se mile sabaq aise
jo na hāsil hue kitāboñ se
sīkhte haiñ hayāt ham to 'razā'
Thokaroñ hādsoñ 'azāboñ se
raushni ho gai charaghon se
dil bujha hi raha gunahon se
baghban zulm kar rahe ho tum
dur kar ke gulon ko shaKHon se
KHud ko qabu mein kar nahin paya
bah paDe ashk meri aankhon se
dhaDkanen tez hoti jati hain
us ki baaton se aur KHayalon se
munsifo un ko bhi saza do zara
qatl karte hain jo nigahon se
zindagi se mile sabaq aise
jo na hasil hue kitabon se
sikhte hain hayat hum to 'raza'
Thokaron hadson 'azabon se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
