piTh par yar thapak lamha-e-zak chubhta hai
piiTh par yaar thapak lamha-e-zak chubhtā hai
dil meñ har haar kā dukh jiit talak chubhtā hai
baat jab ḳhatm huī qissa banī pahle kā
par tire dil meñ chubhā ḳhanjar-e-shak chubhtā hai
zaḳhm bharne kī umīdoñ pe ye paanī phere
is liye zaḳhm pe chhiḌkeñ to namak chubhtā hai
un ko zahrā ke dukhoñ kā nahīñ ehsās zarā
tiir kī misl ba-dil zikr-e-fadak chubhtā hai
chāñdnī yuuñ to bhalī lagtī hai āñkhoñ ko 'vaqī'
had se baḌh jaa.e to phir māh-e-falak chubhtā hai
piTh par yar thapak lamha-e-zak chubhta hai
dil mein har haar ka dukh jit talak chubhta hai
baat jab KHatm hui qissa bani pahle ka
par tere dil mein chubha KHanjar-e-shak chubhta hai
zaKHm bharne ki umidon pe ye pani phere
is liye zaKHm pe chhiDken to namak chubhta hai
un ko zahra ke dukhon ka nahin ehsas zara
tir ki misl ba-dil zikr-e-fadak chubhta hai
chandni yun to bhali lagti hai aankhon ko 'waqi'
had se baDh jae to phir mah-e-falak chubhta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
