kisi se haar hi jate to kitna achchha tha

kisī se haar hī jaate to kitnā achchhā thā

ki jashn ham na manāte to kitnā achchhā thā

ḳhizāñ kī rut meñ bhī rahte hañsī-ḳhushī ham log

mohabbatoñ meñ nibhāte to kitnā achchhā thā

vo ik ḳhayāl jo kuchh din hamāre saath rahā

asāsa us ko banāte to kitnā achchhā thā

jahāñ pe haar huī thī kisī zamāne meñ

vahīñ se lauT ke aate to kitnā achchhā thā

vo ik charāġh jise tāqche meñ rakh aa.e

rah-e-vafā meñ jalāte to kitnā achchhā thā

kisī nigāh kī Dorī ne dil ko kaaT diyā

patang ham na uḌāte to kitnā achchhā thā

kisi se haar hi jate to kitna achchha tha

ki jashn hum na manate to kitna achchha tha

KHizan ki rut mein bhi rahte hansi-KHushi hum log

mohabbaton mein nibhate to kitna achchha tha

wo ek KHayal jo kuchh din hamare sath raha

asasa us ko banate to kitna achchha tha

jahan pe haar hui thi kisi zamane mein

wahin se lauT ke aate to kitna achchha tha

wo ek charagh jise taqche mein rakh aae

rah-e-wafa mein jalate to kitna achchha tha

kisi nigah ki Dori ne dil ko kaT diya

patang hum na uDate to kitna achchha tha