jarahaton ka hai mausam nazar jhuka ke chalo
jarāhatoñ kā hai mausam nazar jhukā ke chalo
haiñ sho'la sho'la ye raste qadam bachā ke chalo
charāġh bujh gaye saare baḌā añdherā hai
in āñdhiy.oñ meñ koī zaḳhm hī jalā ke chalo
shikasta jaam pe tārīḳh-e-mai-kada hai sabt
ye TukḌe bāda-kasho siine se lagā ke chalo
nahīñ haiñ 'āriz-o-lab hī to shauq kī manzil
rah-e-talab meñ talab ke diye bujhā ke chalo
maiñ apnī aag meñ jaltā huā jahannam huuñ
mire qarīb se dāman zarā bachā ke chalo
añdhere baḌhte hī jaate haiñ ġham kī rāhoñ meñ
charāġh-e-dard kī lau aur kuchh baḌhā ke chalo
na jaane qāfile kitne idhar se guzreñ abhī
koī sharāra kahīñ raakh meñ dabā ke chalo
jarahaton ka hai mausam nazar jhuka ke chalo
hain sho'la sho'la ye raste qadam bacha ke chalo
charagh bujh gaye sare baDa andhera hai
in aandhiyon mein koi zaKHm hi jala ke chalo
shikasta jam pe tariKH-e-mai-kada hai sabt
ye TukDe baada-kasho sine se laga ke chalo
nahin hain 'ariz-o-lab hi to shauq ki manzil
rah-e-talab mein talab ke diye bujha ke chalo
main apni aag mein jalta hua jahannam hun
mere qarib se daman zara bacha ke chalo
andhere baDhte hi jate hain gham ki rahon mein
charagh-e-dard ki lau aur kuchh baDha ke chalo
na jaane qafile kitne idhar se guzren abhi
koi sharara kahin rakh mein daba ke chalo
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
