europe jis wahshat se ab bhi sahma sahma rahta hai

europe jis vahshat se ab bhī sahmā sahmā rahtā hai

ḳhatra hai vo vahshat mere mulk meñ aag lagā.egī

german gass-kadoñ se ab tak ḳhuun kī badbū aatī hai

andhī vatan-parastī ham ko us raste le jā.egī

andhe kueñ meñ jhūTh kī naav tez chalī thī maan liyā

lekin bāhar raushan duniyā tum se sach bulvā.egī

nafrat meñ jo pale-baḌhe haiñ nafrat meñ jo khele haiñ

nafrat dekho aage aage un se kyā karvā.egī

fankāroñ se pūchh rahe ho kyoñ lauTā.e haiñ sammān

pūchho kitne chup baiThe haiñ sharm unheñ kab aa.egī

ye mat khaao vo mat pahno ishq to bilkul karnā mat

desh-droh kī chhāp tumhāre uupar bhī lag jā.egī

ye mat bhūlo aglī nasleñ raushan sho.ala hotī haiñ

aag kuredoge chiñgārī dāman tak to aa.egī

europe jis wahshat se ab bhi sahma sahma rahta hai

KHatra hai wo wahshat mere mulk mein aag lagaegi

german gass-kadon se ab tak KHun ki badbu aati hai

andhi watan-parasti hum ko us raste le jaegi

andhe kuen mein jhuTh ki naw tez chali thi man liya

lekin bahar raushan duniya tum se sach bulwaegi

nafrat mein jo pale-baDhe hain nafrat mein jo khele hain

nafrat dekho aage aage un se kya karwaegi

fankaron se puchh rahe ho kyon lauTae hain samman

puchho kitne chup baiThe hain sharm unhen kab aaegi

ye mat khao wo mat pahno ishq to bilkul karna mat

desh-droh ki chhap tumhaare upar bhi lag jaegi

ye mat bhulo agli naslen raushan shoala hoti hain

aag kuredoge chingari daman tak to aaegi