sab parinde chahakne lage har shajar muskurane laga

sab parinde chahakne lage har shajar muskurāne lagā

aap aa.e jo ghar par mire merā ghar muskurāne lagā

har ġhazal merī be-sāz thī shā'irī meñ maza kuchh na thā

aap se kyā mohabbat huī ye hunar muskurāne lagā

zindagī ke har ik moḌ par thī udāsī bahut duur tak

saath tum kyā chale jān-e-jāñ ye safar muskurāne lagā

us ke hañsne se dil ko mire chain milne lagā thā magar

jab se us ko ḳhabar ye milī muḳhtasar muskurāne lagā

vo na nazdīk aayā to kyā ye bhī kuchh kam nahīñ dosto

us ne dekhā mujhe aur vo dekh kar muskurāne lagā

halkī bārish thī maiñ aur vo bhiig kar baat karte rahe

'shād' sochā jo us raat ko soch kar muskurāne lagā

sab parinde chahakne lage har shajar muskurane laga

aap aae jo ghar par mere mera ghar muskurane laga

har ghazal meri be-saz thi sha'iri mein maza kuchh na tha

aap se kya mohabbat hui ye hunar muskurane laga

zindagi ke har ek moD par thi udasi bahut dur tak

sath tum kya chale jaan-e-jaan ye safar muskurane laga

us ke hansne se dil ko mere chain milne laga tha magar

jab se us ko KHabar ye mili muKHtasar muskurane laga

wo na nazdik aaya to kya ye bhi kuchh kam nahin dosto

us ne dekha mujhe aur wo dekh kar muskurane laga

halki barish thi main aur wo bhig kar baat karte rahe

'shad' socha jo us raat ko soch kar muskurane laga