raqs karte hue diwane chale aate hain
raqs karte hue dīvāne chale aate haiñ
sham' jaltī hai to parvāne chale aate haiñ
bāġhbāñ ham tire gulshan meñ ghaḌī bhar ke liye
dil-e-betāb ko bahlāne chale aate haiñ
ham kahāñ aur kahāñ hazrat-e-nāseh ai dil
jaane kyā soch ke samjhāne chale aate haiñ
ham jahāñ pahuñche vahīñ baḌh ke qadam lene ko
ḳhaak uḌāte hue vīrāne chale aate haiñ
yuuñ bhī 'unvān badaltī hai mohabbat 'muztar'
nok-e-mizhgāñ pe bhī afsāne chale aate haiñ
raqs karte hue diwane chale aate hain
sham' jalti hai to parwane chale aate hain
baghban hum tere gulshan mein ghaDi bhar ke liye
dil-e-betab ko bahlane chale aate hain
hum kahan aur kahan hazrat-e-naseh ai dil
jaane kya soch ke samjhane chale aate hain
hum jahan pahunche wahin baDh ke qadam lene ko
KHak uDate hue virane chale aate hain
yun bhi 'unwan badalti hai mohabbat 'muztar'
nok-e-mizhgan pe bhi afsane chale aate hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
