kahiye to khel jaun main KHud apni jaan par

kahiye to khel jā.ūñ maiñ ḳhud apnī jaan par

nā-haq tule haiñ aap mire imtihān par

gulshan meñ chand roz kī mehmān hai bahār

phūle nahīñ samāte haiñ gul kis gumān par

pakḌe gaye haiñ duḳhtar-e-raz se janāb-e-shaiḳh

melā lagā hai pīr-e-muġhāñ kī dukān par

āḳhir nahīñ nahīñ meñ bhī ik haañ nikal ga.ī

jo baat dil meñ thī vahī aa.ī zabān par

āḳhir jo baat dab na sakī ātish-e-firāq

zabt-e-fuġhāñ se paḌ gaye chhāle zabān par

ThanDī havā chalī to girāñ ho ga.ī sharāb

goyā lagī hai aag muġhāñ kī dukān par

'bismil' haiñ aaj hāfiz-e-qur.āñ bane hue

baiThe the kal ye pīr-e-muġhāñ kī dukān par

kahiye to khel jaun main KHud apni jaan par

na-haq tule hain aap mere imtihan par

gulshan mein chand roz ki mehman hai bahaar

phule nahin samate hain gul kis guman par

pakDe gaye hain duKHtar-e-raz se janab-e-shaiKH

mela laga hai pir-e-mughan ki dukan par

aaKHir nahin nahin mein bhi ek han nikal gai

jo baat dil mein thi wahi aai zaban par

aaKHir jo baat dab na saki aatish-e-firaq

zabt-e-fughan se paD gaye chhaale zaban par

ThanDi hawa chali to giran ho gai sharab

goya lagi hai aag mughan ki dukan par

'bismil' hain aaj hafiz-e-quran bane hue

baiThe the kal ye pir-e-mughan ki dukan par