barbaad sari raunaqen diwane kar gaye
barbād saarī raunaqeñ dīvāne kar gaye
be-nūr har charāġh ko parvāne kar gaye
TuuTe diloñ ko sahrā ne ābād kar diyā
gulshan jo kar sake na vo vīrāne kar gaye
apnoñ se ham karam kī lagā.e rahe umiid
ehsān dil kī duniyā pe anjāne kar gaye
jin ke makīn ġharq the jām-e-sharāb meñ
vīrān un makānoñ ko maiḳhāne kar gaye
dushman na jis ko rok sake the kabhī 'malāz'
ḳhāmosh us zabān ko yārāne kar gaye
barbaad sari raunaqen diwane kar gaye
be-nur har charagh ko parwane kar gaye
TuTe dilon ko sahra ne aabaad kar diya
gulshan jo kar sake na wo virane kar gaye
apnon se hum karam ki lagae rahe umid
ehsan dil ki duniya pe anjaane kar gaye
jin ke makin gharq the jam-e-sharab mein
viran un makanon ko maiKHane kar gaye
dushman na jis ko rok sake the kabhi 'malaz'
KHamosh us zaban ko yarane kar gaye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
