aashiyan bandhe hai kis ummid par ai andalib
āshiyāñ bāñdhe hai kis ummīd par ai 'andalīb
ātish-e-gul se koī din meñ jalātī hai bahār
kis ko gul-gasht-e-chaman kā hai dimāġh ai bāġhbāñ
khīñch kar merā garebāñ yaañ le aatī hai bahār
shor sun kar ham-navāyoñ kā ubaltā hai ye dil
ruḳhsat-e-yak-nāla ai sayyād jaatī hai bahār
ḳhush rakho ai 'andalībo apne gulshan meñ hameñ
ḳhāna-e-zanjīr thā ḳhālī bulātī hai bahār
ab ḳhudā hāfiz hai 'saudā' kā mujhe aatā hai rahm
ek to thā hī divāna tis pe aatī hai bahār
aashiyan bandhe hai kis ummid par ai 'andalib
aatish-e-gul se koi din mein jalati hai bahaar
kis ko gul-gasht-e-chaman ka hai dimagh ai baghban
khinch kar mera gareban yan le aati hai bahaar
shor sun kar ham-nawayon ka ubalta hai ye dil
ruKHsat-e-yak-nala ai sayyaad jati hai bahaar
KHush rakho ai 'andalibo apne gulshan mein hamein
KHana-e-zanjir tha KHali bulati hai bahaar
ab KHuda hafiz hai 'sauda' ka mujhe aata hai rahm
ek to tha hi diwana tis pe aati hai bahaar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
