ghar ki har ek chiz gali mein na banTna
ghar kī har ek chiiz galī meñ na bāñTnā
dīvār baañT lenā darāḌeñ na bāñTnā
dariyā ke rāste meñ basānā na bastiyāñ
bārish ke bartanoñ meñ sharābeñ na bāñTnā
raste meñ ik ra.iis paḌā mil gayā mujhe
kahtā thā zindagī meñ zamīneñ na bāñTnā
apnī kamā.ī aur virāsat meñ farq hai
logoñ meñ ḳhvāb bāñTnā āñkheñ na bāñTnā
kuchh ḳhair bāñTne ko bhī tahzīb chāhiye
jūtoñ ke shopperoñ meñ kitābeñ na bāñTnā
sūraj kī dhuup jaisā nahīñ hai diyoñ kā nuur
hargiz kisī se apnī muñDereñ na bāñTnā
koī nadī ho baaġh ho sahrā ho yā pahāḌ
'hāris' kisī se bhī mirī yādeñ na bāñTnā
ghar ki har ek chiz gali mein na banTna
diwar banT lena daraDen na banTna
dariya ke raste mein basana na bastiyan
barish ke bartanon mein sharaben na banTna
raste mein ek rais paDa mil gaya mujhe
kahta tha zindagi mein zaminen na banTna
apni kamai aur wirasat mein farq hai
logon mein KHwab banTna aankhen na banTna
kuchh KHair banTne ko bhi tahzib chahiye
juton ke shopperon mein kitaben na banTna
suraj ki dhup jaisa nahin hai diyon ka nur
hargiz kisi se apni munDeren na banTna
koi nadi ho bagh ho sahra ho ya pahaD
'haaris' kisi se bhi meri yaaden na banTna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
