aansuon ke nagar banate hain
āñsuoñ ke nagar banāte haiñ
log paanī pe ghar banāte haiñ
chāñd se ghar ko dekhne ke liye
aao kāġhaz ke par banāte haiñ
pahle mehmāñ banāte haiñ apnā
dil ko phir dar-ba-dar banāte haiñ
us ne bhañvroñ ke dil banā.e haiñ
ham bhī kaliyoñ ke Dar banāte haiñ
log kachche gharauñde bachpan meñ
jaane kyā soch kar banāte haiñ
rāste ham se yuuñ lipaTte haiñ
jaise ham hī safar banāte haiñ
log 'az.har' añdher-nagrī meñ
jaane kyuuñ bām-o-dar banāte haiñ
aansuon ke nagar banate hain
log pani pe ghar banate hain
chand se ghar ko dekhne ke liye
aao kaghaz ke par banate hain
pahle mehman banate hain apna
dil ko phir dar-ba-dar banate hain
us ne bhanwron ke dil banae hain
hum bhi kaliyon ke Dar banate hain
log kachche gharaunde bachpan mein
jaane kya soch kar banate hain
raste hum se yun lipaTte hain
jaise hum hi safar banate hain
log 'azhar' andher-nagri mein
jaane kyun baam-o-dar banate hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
