kuchh waqt uske samne main kya dukhi raha

kuchh vaqt us ke sāmne maiñ kyā dukhī rahā

vo shaḳhs us ke baa'd hamesha dukhī rahā

donoñ ne saath mil ke mukammal kiyā firāq

aadhā udaas maiñ thā vo aadhā dukhī rahā

ik shaḳhs aa.ine meñ hai aisā bhī vāqa'ī

jo mere ġham meñ mujh se ziyāda dukhī rahā

allāh tujh ko vasl meñ itnā hī ḳhush rakhe

'faizān' tere hijr meñ jitnā dukhī rahā

bas do 'amal kiye haiñ tire hijr meñ hasīn

mahfil maiñ yā to she'r paḌhā yā dukhī rahā

ik 'umr hañs ke kaaT dī lekin phir ek baar

mujh ko patā chalā vo dukhī thā dukhī rahā

shiddat dukhoñ kī dekh ke kahne lagā tabīb

mar jā.egā jo is se ziyāda dukhī rahā

'arse ke baa'd is ko badal kar 'umar' kiyā

pahle-pahal to naam bhī merā dukhī rahā

kuchh waqt us ke samne main kya dukhi raha

wo shaKHs us ke ba'd hamesha dukhi raha

donon ne sath mil ke mukammal kiya firaq

aadha udas main tha wo aadha dukhi raha

ek shaKHs aaine mein hai aisa bhi waqa'i

jo mere gham mein mujh se ziyaada dukhi raha

allah tujh ko wasl mein itna hi KHush rakhe

'faizan' tere hijr mein jitna dukhi raha

bas do 'amal kiye hain tere hijr mein hasin

mahfil main ya to she'r paDha ya dukhi raha

ek 'umr hans ke kaT di lekin phir ek bar

mujh ko pata chala wo dukhi tha dukhi raha

shiddat dukhon ki dekh ke kahne laga tabib

mar jaega jo is se ziyaada dukhi raha

'arse ke ba'd is ko badal kar 'umar' kiya

pahle-pahal to nam bhi mera dukhi raha