baDha KHalwat mein jab ehsas-e-gham aahista aahista
baḌhā ḳhalvat meñ jab ehsās-e-ġham āhista āhista
to yaad aane lage ahl-e-karam āhista āhista
jhukā kar apnī nazreñ jab vo mere paas se guzrā
mire ḳhvāboñ kā phir TuuTā bharam āhista āhista
yaqīnan ek din tum ko bhī mil hī jā.egī manzil
baḌhā kar dekho tum apne qadam āhista āhista
chhuḌā kar apne dāman ko yuuñ ham se duur mat jaao
tumhāre vāste badleñge ham āhista āhista
rakhī hai laaj ham ne is tarah apnī mohabbat kī
uThāte haiñ ḳhushī se ranj-o-ġham āhista āhista
baDha KHalwat mein jab ehsas-e-gham aahista aahista
to yaad aane lage ahl-e-karam aahista aahista
jhuka kar apni nazren jab wo mere pas se guzra
mere KHwabon ka phir TuTa bharam aahista aahista
yaqinan ek din tum ko bhi mil hi jaegi manzil
baDha kar dekho tum apne qadam aahista aahista
chhuDa kar apne daman ko yun hum se dur mat jao
tumhaare waste badlenge hum aahista aahista
rakhi hai laj hum ne is tarah apni mohabbat ki
uThate hain KHushi se ranj-o-gham aahista aahista
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
