be-kar hai har daur ke insan ki haqiqat

be-kār hai har daur ke insāñ kī haqīqat

pahchān nahīñ paatā vo īmāñ kī haqīqat

ilzām lagāne ko samajhte haiñ jo nusrat

baiThe haiñ chhupā kar vo garebāñ kī haqīqat

har dasht meñ qismat ne tamannā ko hai maarā

āsāñ nahīñ miltī kabhī imkāñ kī haqīqat

din ham ne tabassum ke sahāre hī guzāre

ashkoñ se sambhālī shab-e-hijrāñ kī haqīqat

sochā karo har baar madad lene se pahle

khul jaa.e na tum par kisī ehsāñ kī haqīqat

ḳhvāboñ meñ 'malāz' un ko isī tarh phañsāyā

mā'lūm na kar paa.e dil-o-jāñ kī haqīqat

be-kar hai har daur ke insan ki haqiqat

pahchan nahin pata wo iman ki haqiqat

ilzam lagane ko samajhte hain jo nusrat

baiThe hain chhupa kar wo gareban ki haqiqat

har dasht mein qismat ne tamanna ko hai mara

aasan nahin milti kabhi imkan ki haqiqat

din hum ne tabassum ke sahaare hi guzare

ashkon se sambhaali shab-e-hijran ki haqiqat

socha karo har bar madad lene se pahle

khul jae na tum par kisi ehsan ki haqiqat

KHwabon mein 'malaz' un ko isi tarh phansaya

ma'lum na kar pae dil-o-jaan ki haqiqat