manzar ye dekh kar sabhi hairan ho gae

manzar ye dekh kar sabhī hairān ho ga.e

bhaa.ī jab aaj dast-o-garebān ho ga.e

maañ baap chāhte the raheñ ittifāq se

qurbān un ke aaj sab armān ho ga.e

insān ke sañvarne kā mauqa' haiñ hādse

ham hādsoñ se kāmil-e-īmān ho ga.e

ham ko milī haiñ shohrateñ nākām-e-'ishq se

ham har zabān-e-‘ām ke 'unvān ho ga.e

jin meñ mohabbatoñ ke hameñ gul khilāne the

rangīn ḳhūn-e-dil se vo guldān ho ga.e

aatā thā rashk shā'iroñ ke she'r par kabhī

lo aaj ham bhī sāhib-e-dīvān ho ga.e

kyā ḳhuub she'r aap ke kyā ḳhuub hai bayān

ham kam-suḳhan-shanās bhī hairān ho ga.e

manzar ye dekh kar sabhi hairan ho gae

bhai jab aaj dast-o-gareban ho gae

man bap chahte the rahen ittifaq se

qurban un ke aaj sab arman ho gae

insan ke sanwarne ka mauqa' hain hadse

hum hadson se kaamil-e-iman ho gae

hum ko mili hain shohraten nakaam-e-'ishq se

hum har zaban-e-‘am ke 'unwan ho gae

jin mein mohabbaton ke hamein gul khilane the

rangin KHun-e-dil se wo guldan ho gae

aata tha rashk sha'iron ke she'r par kabhi

lo aaj hum bhi sahib-e-diwan ho gae

kya KHub she'r aap ke kya KHub hai bayan

hum kam-suKHan-shanas bhi hairan ho gae