be-KHabar dard-e-mohabbat se hai wo yar hanuz

be-ḳhabar dard-e-mohabbat se hai vo yaar hanūz

dukh se dil dene ke vāqif nahīñ dil-dār hanūz

rahm sar-gashtagī merī pe use kyā aave

nahīñ galiyoñ meñ kaTī us ko shab-e-tār hanūz

na abhī qatra-e-ashk us kī mizha tak aayā

na ghisā us ke garebāñ kā koī taar hanūz

aap nālāñ ho to deve mirī fariyād kī daad

so to vo gul hī nahīñ bulbul-e-gulzār hanūz

kyuuñ na bhāve use qīmat-shikanī 'saudā' kī

jins-e-dil apnī to Daalī nahīñ bāzār hanūz

be-KHabar dard-e-mohabbat se hai wo yar hanuz

dukh se dil dene ke waqif nahin dil-dar hanuz

rahm sar-gashtagi meri pe use kya aawe

nahin galiyon mein kaTi us ko shab-e-tar hanuz

na abhi qatra-e-ashk us ki mizha tak aaya

na ghisa us ke gareban ka koi tar hanuz

aap nalan ho to dewe meri fariyaad ki dad

so to wo gul hi nahin bulbul-e-gulzar hanuz

kyun na bhawe use qimat-shikani 'sauda' ki

jins-e-dil apni to Dali nahin bazar hanuz