ek dard ka qissa yaad raha main dil ka lagana bhul gaya

ik dard kā qissa yaad rahā maiñ dil kā lagānā bhuul gayā

ro ro ke sunāyā afsāna 'unvān batānā bhuul gayā

kab kis kī nazar se apnī nazar Takrā.ī kahāñ tū yaad to kar

mad.hosh nazar ne mast kiyā maiñ hosh meñ aanā bhuul gayā

saaqī kī nazar se pī maiñ ne maiḳhāne meñ kohrām machā

rindoñ ne bahut pūchhā lekin maiñ naam batānā bhuul gayā

kal tak maiñ kisī kī bazm meñ thā ab DhūñDh rahā huuñ mahfil ko

ik raag alāpā thā lekin maiñ giit sunānā bhuul gayā

gustāḳh nahīñ be-bāk sahī nā-gāh nigāheñ chaar huiiñ

maiñ sar ko jhukānā bhuul gayā nazroñ ko girānā bhuul gayā

ek dard ka qissa yaad raha main dil ka lagana bhul gaya

ro ro ke sunaya afsana 'unwan batana bhul gaya

kab kis ki nazar se apni nazar Takrai kahan tu yaad to kar

madhosh nazar ne mast kiya main hosh mein aana bhul gaya

saqi ki nazar se pi main ne maiKHane mein kohram macha

rindon ne bahut puchha lekin main nam batana bhul gaya

kal tak main kisi ki bazm mein tha ab DhunDh raha hun mahfil ko

ek rag alapa tha lekin main git sunana bhul gaya

gustaKH nahin be-bak sahi na-gah nigahen chaar huin

main sar ko jhukana bhul gaya nazron ko girana bhul gaya