faqiri mein ye thoDi si tan-asani bhi karte hain
faqīrī meñ ye thoḌī sī tan-āsānī bhī karte haiñ
ki ham dast-e-karam duniyā pe arzānī bhī karte haiñ
dar-e-rūhāniyāñ kī chākarī bhī kaam hai apnā
butoñ kī mamlikat meñ kār-e-sultānī bhī karte haiñ
junūñ vāloñ kī ye shā.istagī turfa-tamāshā hai
rafū bhī chāhte haiñ chāk-dāmānī bhī karte haiñ
mujhe kuchh shauq-e-nazzāra bhī hai phūloñ ke chehroñ kā
magar kuchh phuul chehre merī nigrānī bhī karte haiñ
jo sach pūchho to zabt-e-ārzū se kuchh nahīñ hotā
parinde mere siine meñ pur-afshānī bhī karte haiñ
hamāre dil ko ik āzār hai aisā nahīñ lagtā
ki ham daftar bhī jaate haiñ ġhazal-ḳhvānī bhī karte haiñ
bahut nauhagarī karte haiñ dil ke TuuT jaane kī
kabhī aap apnī chīzoñ kī nigahbānī bhī karte haiñ
faqiri mein ye thoDi si tan-asani bhi karte hain
ki hum dast-e-karam duniya pe arzani bhi karte hain
dar-e-ruhaniyan ki chaakari bhi kaam hai apna
buton ki mamlikat mein kar-e-sultani bhi karte hain
junun walon ki ye shaistagi turfa-tamasha hai
rafu bhi chahte hain chaak-damani bhi karte hain
mujhe kuchh shauq-e-nazzara bhi hai phulon ke chehron ka
magar kuchh phul chehre meri nigrani bhi karte hain
jo sach puchho to zabt-e-arzu se kuchh nahin hota
parinde mere sine mein pur-afshani bhi karte hain
hamare dil ko ek aazar hai aisa nahin lagta
ki hum daftar bhi jate hain ghazal-KHwani bhi karte hain
bahut nauhagari karte hain dil ke TuT jaane ki
kabhi aap apni chizon ki nigahbani bhi karte hain
- Book : Hoshiyari Dil-e-Nadan Bahut Karta Hai (Pg. 53)
- Author :Irfan Siddiqi
- Publication : Rekhta Publications (2023)
- Edition : 2nd
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
