do qadam paon baDhane ko bhi tayyar nahin
do qadam paaoñ baḌhāne ko bhī tayyār nahīñ
yā'nī tum soch se ho jism se bīmār nahīñ
phir qabīle ko vahī faisla le kar Duubā
jis pe maiñ chīḳh rahā thā mire sardār nahīñ
is liye bhī nahīñ aate mirī jānib patthar
maiñ vo nākāra shajar huuñ jo samar-bār nahīñ
kuchh nayā lā.iye 'kāshif' jī purānī ġhazleñ
ek do baar to chal saktī haiñ har baar nahīñ
do qadam paon baDhane ko bhi tayyar nahin
ya'ni tum soch se ho jism se bimar nahin
phir qabile ko wahi faisla le kar Duba
jis pe main chiKH raha tha mere sardar nahin
is liye bhi nahin aate meri jaanib patthar
main wo nakara shajar hun jo samar-bar nahin
kuchh naya laiye 'kashif' ji purani ghazlen
ek do bar to chal sakti hain har bar nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
