kahun to kya main kahun pyari pyari aankhon ko

kahūñ to kyā maiñ kahūñ pyārī pyārī āñkhoñ ko

subū kahūñ ki surāhī tumhārī āñkhoñ ko

kuchh aisā chhāyā hai dil par mire ġhubār-e-alam

guloñ ke saa.e bhī lagte haiñ bhārī āñkhoñ ko

jhalak rahe haiñ vo palkoñ pe āñsuoñ kī tarah

vo ġham jo tum ne diye haiñ hamārī āñkhoñ ko

jhukeñ jo palkeñ to ruk jaa.eñ dhaḌkaneñ dil kī

uTheñ to chuum leñ taare tumhārī āñkhoñ ko

lahū guloñ kā bahā hai ba-sūrat-e-āñsū

ḳhizāñ ne luuTā hai jab bhī hamārī āñkhoñ ko

duā.eñ karte haiñ nargis ke phuul gulshan meñ

nazar lage na kisī kī tumhārī āñkhoñ ko

sulagtī raat ke siine pe barf sī rakh dī

ġhazal meñ Dhaal ke goyā tumhārī āñkhoñ ko

mahakte phuul sanaktī havā ye mausam-e-gul

chaman meñ dekhte haiñ sab tumhārī āñkhoñ ko

kahun to kya main kahun pyari pyari aankhon ko

subu kahun ki surahi tumhaari aankhon ko

kuchh aisa chhaya hai dil par mere ghubar-e-alam

gulon ke sae bhi lagte hain bhaari aankhon ko

jhalak rahe hain wo palkon pe aansuon ki tarah

wo gham jo tum ne diye hain hamari aankhon ko

jhuken jo palken to ruk jaen dhaDkanen dil ki

uThen to chum len tare tumhaari aankhon ko

lahu gulon ka baha hai ba-surat-e-ansu

KHizan ne luTa hai jab bhi hamari aankhon ko

duaen karte hain nargis ke phul gulshan mein

nazar lage na kisi ki tumhaari aankhon ko

sulagti raat ke sine pe barf si rakh di

ghazal mein Dhaal ke goya tumhaari aankhon ko

mahakte phul sanakti hawa ye mausam-e-gul

chaman mein dekhte hain sab tumhaari aankhon ko