tu mile to KHush-numa hai zindagi
tū mile to ḳhush-numā hai zindagī
varna kitnī be-maza hai zindagī
saath jo guzre haiñ un lamhāt kā
naam maiñ ne rakh diyā hai zindagī
maut jis kā tai-shuda anjām hai
ek aisā hādsa hai zindagī
ḳhūb-sūrat zindagī lagne lagī
us ne kal mujh ko kahā hai zindagī
zindagī se tū faqat vāqif nahīñ
jāntā huuñ maiñ bhī kyā hai zindagī
zindagī kyā hai use mā'lūm hai
ret par jis ne likhā hai zindagī
tu mile to KHush-numa hai zindagi
warna kitni be-maza hai zindagi
sath jo guzre hain un lamhat ka
nam main ne rakh diya hai zindagi
maut jis ka tai-shuda anjam hai
ek aisa hadsa hai zindagi
KHub-surat zindagi lagne lagi
us ne kal mujh ko kaha hai zindagi
zindagi se tu faqat waqif nahin
jaanta hun main bhi kya hai zindagi
zindagi kya hai use ma'lum hai
ret par jis ne likha hai zindagi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
