nigar-e-dasht ki jaanib koi qadam ab to
nigār-e-dasht kī jānib koī qadam ab to
hujūm-e-shahr meñ ghuTne lagā hai dam ab to
khaḌā huuñ dil ke dorāhe pe haath phailā.e
chhupā.e chhupte nahīñ zindagī ke ġham ab to
na.e ḳhayāl na.e fāsloñ ke saath aa.e
na mil sakeñge kisī rāste meñ ham ab to
musāfirān-e-mohabbat kā intizār na kar
ki dil meñ aa gaye rāhoñ ke pech-o-ḳham ab to
hañso ki dil ke ġhamoñ kā koī 'ilāj nahīñ
hai daaġh apne hī chehre kā chashm-e-nam ab to
nikal gayā hai safīnā tirā kidhar 'bāqī'
sadā.eñ aatī haiñ sāhil se dam-ba-dam ab to
nigar-e-dasht ki jaanib koi qadam ab to
hujum-e-shahr mein ghuTne laga hai dam ab to
khaDa hun dil ke dorahe pe hath phailae
chhupae chhupte nahin zindagi ke gham ab to
nae KHayal nae faslon ke sath aae
na mil sakenge kisi raste mein hum ab to
musafiran-e-mohabbat ka intizar na kar
ki dil mein aa gaye rahon ke pech-o-KHam ab to
hanso ki dil ke ghamon ka koi 'ilaj nahin
hai dagh apne hi chehre ka chashm-e-nam ab to
nikal gaya hai safina tera kidhar 'baqi'
sadaen aati hain sahil se dam-ba-dam ab to
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
