jis samundar ko mere dard ka ehsas nahin
jis samundar ko mire dard kā ehsās nahīñ
milne aayā bhī to keh dūñgā mujhe pyaas nahīñ
ik mulāqāt meñ khultā nahīñ maiñ logoñ par
tum ko lagtā hai tabī'at mirī hassās nahīñ
chhoTe ho kar jo baḌā ḳhud ko samajh lete haiñ
aise logoñ kā ta'alluq hī mujhe raas nahīñ
maiñ ne is vāste dastār sambhālī huī hai
sar bachānā mire ajdād kī mīrās nahīñ
vaqt ko yuuñ hī to marham nahīñ kahtī duniyā
ab mujhe terī zarūrat bhī koī ḳhaas nahīñ
jis samundar ko mere dard ka ehsas nahin
milne aaya bhi to keh dunga mujhe pyas nahin
ek mulaqat mein khulta nahin main logon par
tum ko lagta hai tabi'at meri hassas nahin
chhoTe ho kar jo baDa KHud ko samajh lete hain
aise logon ka ta'alluq hi mujhe ras nahin
main ne is waste dastar sambhaali hui hai
sar bachana mere ajdad ki miras nahin
waqt ko yun hi to marham nahin kahti duniya
ab mujhe teri zarurat bhi koi KHas nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
