har taraf phaila hua hai jaane kaisa intishaar
har taraf phailā huā hai jaane kaisā intishār
khīñch kar baiThā huā huuñ gird apne ik hisār
muḳhtalif chehre musalsal āzmā.ish tang log
aur nibhāte jā rahe haiñ un se ham dīvāna-vār
ik hasīñ chehre pe sīmīñ tamkanat thī rāt-bhar
aañkh se jhalkā magar kaisā ye vahshat kā ḳhumār
surma.ī āñkhoñ kā jaadū ab bhī baaqī thā magar
ek dariyā aañkh se bahtā thā misl-e-ābshār
kyā yahī qismat hai merī kyā yahī taqdīr hai
misl-e-shab tārīk din aur raat din ik intizār
har taraf phaila hua hai jaane kaisa intishaar
khinch kar baiTha hua hun gird apne ek hisar
muKHtalif chehre musalsal aazmaish tang log
aur nibhate ja rahe hain un se hum diwana-war
ek hasin chehre pe simin tamkanat thi raat-bhar
aankh se jhalka magar kaisa ye wahshat ka KHumar
surmai aankhon ka jadu ab bhi baqi tha magar
ek dariya aankh se bahta tha misl-e-abshaar
kya yahi qismat hai meri kya yahi taqdir hai
misl-e-shab tarik din aur raat din ek intizar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
