har shaKHs banata hai tamasha mere dil ka
har shaḳhs banātā hai tamāsha mire dil kā
har roz nikaltā hai janāza mire dil kā
uñglī vo uThāte haiñ 'ibārat pe mirī ab
jo dost samajhte the ishāra mire dil kā
tum jis kī harārat se pareshān ho logo
vo raat ko hotā hai sitāra mire dil kā
tum ġhaur se dekhogī to mil jā.egā jānāñ
un jhiil sī āñkhoñ meñ kināra mire dil kā
pal bhar meñ samajh jāoge tum mā'nī jafā ke
ik baar jo ban jaa.e irāda mire dil kā
tum biij fasādāt ke bo dete ho yaaro
banjar hī bhalā hai ye 'ilāqa mire dil kā
ai mālik-o-maulā ye tirā ghar bhī makāñ hai
hai kaun yahāñ tere 'alāva mire dil kā
duniyā to huī muft meñ bad-nām vagarna
is se to ziyāda hai ḳhasāra mire dil kā
har shaKHs banata hai tamasha mere dil ka
har roz nikalta hai janaza mere dil ka
ungli wo uThate hain 'ibarat pe meri ab
jo dost samajhte the ishaara mere dil ka
tum jis ki hararat se pareshan ho logo
wo raat ko hota hai sitara mere dil ka
tum ghaur se dekhogi to mil jaega jaanan
un jhil si aankhon mein kinara mere dil ka
pal bhar mein samajh jaoge tum ma'ni jafa ke
ek bar jo ban jae irada mere dil ka
tum bij fasadat ke bo dete ho yaro
banjar hi bhala hai ye 'ilaqa mere dil ka
ai malik-o-maula ye tera ghar bhi makan hai
hai kaun yahan tere 'alawa mere dil ka
duniya to hui muft mein bad-nam wagarna
is se to ziyaada hai KHasara mere dil ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
