dil mein baaten chhupana Thik nahin

dil meñ bāteñ chhupānā Thiik nahīñ

ḳhud hī ḳhud ko satānā Thiik nahīñ

dil kī kuchh hasrateñ kaheñ mujh se

chāhatoñ ko dabānā Thiik nahīñ

tum kabhī to mujhe hañsāo bhī

har ghaḌī bas rulānā Thiik nahīñ

pyaar ham par luTā nahīñ paate

phir ye ġhussa dikhānā Thiik nahīñ

dil dukhāyā karo faqat merā

ġhairoñ ke dil dukhānā Thiik nahīñ

tum ko rahnā hai mere dil meñ raho

har kahīñ par Thikānā Thiik nahīñ

merī nīñdeñ uḌāne ko 'bindal'

yuuñ ḳhayāloñ meñ aanā Thiik nahīñ

dil mein baaten chhupana Thik nahin

KHud hi KHud ko satana Thik nahin

dil ki kuchh hasraten kahen mujh se

chahaton ko dabana Thik nahin

tum kabhi to mujhe hansao bhi

har ghaDi bas rulana Thik nahin

pyar hum par luTa nahin pate

phir ye ghussa dikhana Thik nahin

dil dukhaya karo faqat mera

ghairon ke dil dukhana Thik nahin

tum ko rahna hai mere dil mein raho

har kahin par Thikana Thik nahin

meri ninden uDane ko 'bindal'

yun KHayalon mein aana Thik nahin