ab tere ruKH pe mohabbat ki shafaq phuli to kya

ab tire ruḳh pe mohabbat kī shafaq phūlī to kyā

husn bar-haq hai magar jab bujh gayā ho jī to kyā

jab tirā kahnā hai tū taqdīr kā mahkūm hai

tū ne nafrat kī to kyā tū ne mohabbat kī to kyā

ab kahāñ se lā.ūñ vo āñkheñ jo lazzat-yāb hoñ

dast-e-bārāñ ne mire dar par jo dastak dī to kyā

jazb ho jā.eñge ḳhāk-e-be-hisī meñ saat rang

āñsuoñ ke saath Tapkā hai agar ḳhuuñ bhī to kyā

dhuup kirnoñ meñ piro le jā.egī saarī namī

raat bhar phūloñ ne dast-e-shab se shabnam pī to kyā

ab to sailāboñ se jal-thal ho ga.iiñ ābādiyāñ

ab mire khetoñ kī lāshoñ par ghaTā barsī to kyā

ham nahīñ hoñge to phir kis kaam kī tahsīn-e-she'r

raushnī ik roz in lafzoñ se phūTegī to kyā

ab tere ruKH pe mohabbat ki shafaq phuli to kya

husn bar-haq hai magar jab bujh gaya ho ji to kya

jab tera kahna hai tu taqdir ka mahkum hai

tu ne nafrat ki to kya tu ne mohabbat ki to kya

ab kahan se laun wo aankhen jo lazzat-yab hon

dast-e-baran ne mere dar par jo dastak di to kya

jazb ho jaenge KHak-e-be-hisi mein sat rang

aansuon ke sath Tapka hai agar KHun bhi to kya

dhup kirnon mein piro le jaegi sari nami

raat bhar phulon ne dast-e-shab se shabnam pi to kya

ab to sailabon se jal-thal ho gain aabaadiyan

ab mere kheton ki lashon par ghaTa barsi to kya

hum nahin honge to phir kis kaam ki tahsin-e-she'r

raushni ek roz in lafzon se phuTegi to kya