hoti hai zindagi se shikayat kabhi kabhi
hotī hai zindagī se shikāyat kabhī kabhī
yaad aatī hai kisī kī rafāqat kabhī kabhī
vaise to ham nahīñ haiñ tirī baat ke ḳhilāf
mar jaatī hai magar ye sharāfat kabhī kabhī
itnā na ḳhud ko dekh zamāne kī aañkh se
de de kuchh apnī aañkh ko zahmat kabhī kabhī
yuuñ to rakhā hai dard ko siine ke paas paas
hotī hai phir bhī dard se vahshat kabhī kabhī
koī to baat chheḌ tū apne raqīb se
behtar hai dushmanī se mohabbat kabhī kabhī
sharmā ke phir se dekh hamāre qarīb aa
miltī hai dil-lagī meñ suhūlat kabhī kabhī
hoti hai zindagi se shikayat kabhi kabhi
yaad aati hai kisi ki rafaqat kabhi kabhi
waise to hum nahin hain teri baat ke KHilaf
mar jati hai magar ye sharafat kabhi kabhi
itna na KHud ko dekh zamane ki aankh se
de de kuchh apni aankh ko zahmat kabhi kabhi
yun to rakha hai dard ko sine ke pas pas
hoti hai phir bhi dard se wahshat kabhi kabhi
koi to baat chheD tu apne raqib se
behtar hai dushmani se mohabbat kabhi kabhi
sharma ke phir se dekh hamare qarib aa
milti hai dil-lagi mein suhulat kabhi kabhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
