duniya ki har bala se musibat se bach gaya
duniyā kī har balā se musībat se bach gayā
lekin ye 'ishq mere badan ko khurach gayā
vo daan de ke duniyā meñ mash.hūr to huā
par dān-vīr karn kā raksha-kavach gayā
talvār par jab us kī koī boltā nahīñ
maiñ ne qalam uThā.ī to kyuuñ shor mach gayā
giitā pe haath rakh ke qasam khā gayā magar
hoñToñ se tere us kī adālat meñ sach gayā
dushman to chāhtā hai mujhe maut de magar
us ke har ek vaar se har baar bach gayā
tārīḳh jiit kar bhī raqam tū na kar sakā
lekin maiñ tujh se haar ke itihās rach gayā
merī vafā.eñ us ko kabhī pach nahīñ sakīñ
us kā har ik fareb mujhe kaise pach gayā
merī hañsī ke badle mujhe de gayā hai ashk
paanī vo apne ghar kā mire ghar ulach gayā
jalne lagā hai mujh se 'kabīrā' merā raqīb
mahbūb merā jab se mujhe karke touch gayā
duniya ki har bala se musibat se bach gaya
lekin ye 'ishq mere badan ko khurach gaya
wo dan de ke duniya mein mashhur to hua
par dan-wir karn ka raksha-kawach gaya
talwar par jab us ki koi bolta nahin
main ne qalam uThai to kyun shor mach gaya
gita pe hath rakh ke qasam kha gaya magar
honTon se tere us ki adalat mein sach gaya
dushman to chahta hai mujhe maut de magar
us ke har ek war se har bar bach gaya
tariKH jit kar bhi raqam tu na kar saka
lekin main tujh se haar ke itihas rach gaya
meri wafaen us ko kabhi pach nahin sakin
us ka har ek fareb mujhe kaise pach gaya
meri hansi ke badle mujhe de gaya hai ashk
pani wo apne ghar ka mere ghar ulach gaya
jalne laga hai mujh se 'kabira' mera raqib
mahbub mera jab se mujhe karke touch gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
