apna dushman bana ke aaya hun
apnā dushman banā ke aayā huuñ
'aib us ke batā ke aayā huuñ
mere māthe pe ye shikan dekho
'ishq meñ dil luTā ke aayā huuñ
shahr kī tīrgī se Dar kar maiñ
diip ghar meñ jalā ke aayā huuñ
chāñd sūraj falak sitāroñ se
aaj āñkheñ milā ke aayā huuñ
apnā nuqsān kar liyā maiñ ne
raaz apne batā ke aayā huuñ
ghar ke bāhar nikalne se pahle
paaoñ maañ ke dabā ke aayā huuñ
apna dushman bana ke aaya hun
'aib us ke bata ke aaya hun
mere mathe pe ye shikan dekho
'ishq mein dil luTa ke aaya hun
shahr ki tirgi se Dar kar main
dip ghar mein jala ke aaya hun
chand suraj falak sitaron se
aaj aankhen mila ke aaya hun
apna nuqsan kar liya main ne
raaz apne bata ke aaya hun
ghar ke bahar nikalne se pahle
paon man ke daba ke aaya hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
