kab usko girane pe hai israr hamara
kab us ko girāne pe hai isrār hamārā
dīvār nahīñ jāntī me'yār hamārā
dushman hai ta'āqub meñ kahāñ ḳhud ko chhupā.eñ
hai ġhaar hamārī na koī yaar hamārā
is vāste ḳhāmosh hī rahte haiñ javāban
jā.egā kahāñ sun ke vo inkār hamārā
ashyā-e-zarūrat bhī nahīñ letā koī ab
sunsān paḌā rahtā hai bāzār hamārā
āvāz to mānūs sī aatī hai vahāñ se
ab yaad nahīñ kaun hai us paar hamārā
afsos koī aaj bhī milne nahīñ aayā
bekār guzar jā.egā itvār hamārā
kab us ko girane pe hai israr hamara
diwar nahin jaanti me'yar hamara
dushman hai ta'aqub mein kahan KHud ko chhupaen
hai ghaar hamari na koi yar hamara
is waste KHamosh hi rahte hain jawaban
jaega kahan sun ke wo inkar hamara
ashya-e-zarurat bhi nahin leta koi ab
sunsan paDa rahta hai bazar hamara
aawaz to manus si aati hai wahan se
ab yaad nahin kaun hai us par hamara
afsos koi aaj bhi milne nahin aaya
bekar guzar jaega itwar hamara
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
