KHubon mein dil-dahi ki rawish kam bahut hai yan

ḳhūboñ meñ dil-dahī kī ravish kam bahut hai yaañ

ḳhvāhān-e-jān chāho to 'ālam bahut hai yaañ

ġhāfil na rah tū ahl-e-tavāzo' ke haal se

teġh-o-kamāñ kī tarh ḳham-o-cham bahut hai yaañ

chashm-e-havas uThā le tamāshe se juuñ habāb

nādīdanī kī diid bas ik dam bahut hai yaañ

ḳhūn-e-jigar ba-ādam-o-būzīna hai bikā.ū

sūrat ma'āsh-e-ḳhalq kī barham bahut hai yaañ

āñkhoñ meñ duuñ us ā.ina-rū ko jagah vale

Tapkā kare hai bas-ki ye ghar nam bahut hai yaañ

dekhā jo bāġh-e-dahr to mānind-e-sub.h-o-gul

kam-fursatī milāp kī bāham bahut hai yaañ

'saudā' ki us se dil kī tasallī ke vāste

goshe se chashm kī nigah-e-kam bahut hai yaañ

KHubon mein dil-dahi ki rawish kam bahut hai yan

KHwahan-e-jaan chaho to 'alam bahut hai yan

ghafil na rah tu ahl-e-tawazo' ke haal se

tegh-o-kaman ki tarh KHam-o-cham bahut hai yan

chashm-e-hawas uTha le tamashe se jun habab

nadidani ki did bas ek dam bahut hai yan

KHun-e-jigar ba-adam-o-buzina hai bikau

surat ma'ash-e-KHalq ki barham bahut hai yan

aankhon mein dun us aaina-ru ko jagah wale

Tapka kare hai bas-ki ye ghar nam bahut hai yan

dekha jo bagh-e-dahr to manind-e-subh-o-gul

kam-fursati milap ki baham bahut hai yan

'sauda' ki us se dil ki tasalli ke waste

goshe se chashm ki nigah-e-kam bahut hai yan