zikr sajda dua sai kar ke

zikr sajda du'ā sa'ī kar ke

lauT jā.ūñgā bandagī kar ke

kitne tanhā udaas rahte haiñ

ham daraḳhtoñ se dushmanī kar ke

āḳhir-e-shab diye kī turbat ko

kis ne dekhā hai raushnī kar ke

lauT jā.ūñgā kyā milegā yahāñ

sang-zādoñ se dostī kar ke

kitne nādān sarfarosh haiñ jo

daar tak aa.e ḳhud-kushī kar ke

tab diye raat bhar jalāte the

ab bujhāte haiñ raushnī kar ke

aa.ine muft baañT kar 'az.har'

ham bhī dekheñge dil-lagī kar ke

zikr sajda du'a sa'i kar ke

lauT jaunga bandagi kar ke

kitne tanha udas rahte hain

hum daraKHton se dushmani kar ke

aaKHir-e-shab diye ki turbat ko

kis ne dekha hai raushni kar ke

lauT jaunga kya milega yahan

sang-zadon se dosti kar ke

kitne nadan sarfarosh hain jo

dar tak aae KHud-kushi kar ke

tab diye raat bhar jalate the

ab bujhate hain raushni kar ke

aaine muft banT kar 'azhar'

hum bhi dekhenge dil-lagi kar ke