purana hun mujhe chhoDo naya sathi mubarak ho
purānā huuñ mujhe chhoḌo nayā sāthī mubārak ho
yahī bas tum se kahnā hai tumheñ shādī mubārak ho
tire hāthoñ pe ye rang-e-hinā merā lahū hogā
magar merī taraf se bhī tumheñ mehñdī mubārak ho
du'ā-go huuñ hamesha ke liye qaa.em rahe rishta
sadā baste raho donoñ ki ye joḌī mubārak ho
tumhāre tan pe har ik rang kā malbūs sajtā hai
tumhārā pairahan lahñgā ho yā saaḌī mubārak ho
tumhārā ghar hamesha ke liye ābād ho tujh se
na.ī koThī nayā bañgla na.ī gaaḌī mubārak ho
vo shahzāda thā lekin tum faqat shahzād the 'faisal'
so us ḳhush-baḳht shahzāde ko shahzādī mubārak ho
purana hun mujhe chhoDo naya sathi mubarak ho
yahi bas tum se kahna hai tumhein shadi mubarak ho
tere hathon pe ye rang-e-hina mera lahu hoga
magar meri taraf se bhi tumhein mehndi mubarak ho
du'a-go hun hamesha ke liye qaem rahe rishta
sada baste raho donon ki ye joDi mubarak ho
tumhaare tan pe har ek rang ka malbus sajta hai
tumhaara pairahan lahnga ho ya saDi mubarak ho
tumhaara ghar hamesha ke liye aabaad ho tujh se
nai koThi naya bangla nai gaDi mubarak ho
wo shahzada tha lekin tum faqat shahzad the 'faisal'
so us KHush-baKHt shahzade ko shahzadi mubarak ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
