kyun judai ki saza dun usko

kyuuñ judā.ī kī sazā duuñ us ko

apne āñgan kā patā duuñ us ko

vo jo chilman hai baḌī aḌchan hai

kyuuñ na ab aag lagā duuñ us ko

kab talak qaid rahegī aise

par lagā kar nā uḌā duuñ us ko

ho mire paas ik aisī puḌiyā

jab bhī ro.e to hañsā duuñ us ko

husn par aa.e na garhan us ke

aisī nādir sī du'ā duuñ us ko

maraz-e-'ishq yūñhī garm rahe

aisī hikmat kī davā duuñ us ko

ho mire bas meñ agar ye 'tāriq'

chāñd tāroñ se sajā duuñ us ko

kyun judai ki saza dun us ko

apne aangan ka pata dun us ko

wo jo chilman hai baDi aDchan hai

kyun na ab aag laga dun us ko

kab talak qaid rahegi aise

par laga kar na uDa dun us ko

ho mere pas ek aisi puDiya

jab bhi roe to hansa dun us ko

husn par aae na garhan us ke

aisi nadir si du'a dun us ko

maraz-e-'ishq yunhi garm rahe

aisi hikmat ki dawa dun us ko

ho mere bas mein agar ye 'tariq'

chand taron se saja dun us ko