jam ki hai na ye subu ki hai
jaam kī hai na ye subū kī hai
ye mahak to mire lahū kī hai
uñgliyāñ merī ḳhuun rone lagīñ
zindagī is qadar rafū kī hai
ye jo nūrāniyat hai chehre par
ye karāmat mire vuzū kī hai
apne parvardigār se maiñ ne
der tak raat guftugū kī hai
ḳhud se samjhauta ab nahīñ hogā
baat ab merī aabrū kī hai
bārgāh-e-ḳhudā meñ ai 'najmī'
jab du'ā kī hai bā-vuzū kī hai
jam ki hai na ye subu ki hai
ye mahak to mere lahu ki hai
ungliyan meri KHun rone lagin
zindagi is qadar rafu ki hai
ye jo nuraniyat hai chehre par
ye karamat mere wuzu ki hai
apne parwardigar se main ne
der tak raat guftugu ki hai
KHud se samjhauta ab nahin hoga
baat ab meri aabru ki hai
bargah-e-KHuda mein ai 'najmi'
jab du'a ki hai ba-wuzu ki hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
