har ek harf-e-dua ke liye kaho aamin
har ek harf-e-du'ā ke liye kaho āmīn
maiñ keh rahī huuñ ḳhudā ke liye kaho āmīn
janāb muftī-e-ā’zam mu'āvze ke 'evaz
huuñ be-gunāh sazā ke liye kaho āmīn
kahīñ raho to raqābat meñ fātiha paḌhnā
difā'-e-makr-o-riyā ke liye kaho āmīn
akele rahnā to sharminda ḳhud pe ho lenā
abhī to jhūTī anā ke liye kaho āmīn
maiñ jāntī huuñ munāfiq nahīñ ho tum ai dost
rahūñ maiñ shaad sadā ke liye kaho āmīn
rahe du'āoñ meñ shāmil kabhī na ḳhud-ġharazī
har ek shai kī baqā ke liye kaho āmīn
vo mil gayā hai to 'ḳhushbū' ko mil gayā sab kuchh
kahā ye dil ne piyā ke liye kaho āmīn
har ek harf-e-du'a ke liye kaho aamin
main keh rahi hun KHuda ke liye kaho aamin
janab mufti-e-a’zam mu'awze ke 'ewaz
hun be-gunah saza ke liye kaho aamin
kahin raho to raqabat mein fatiha paDhna
difa'-e-makr-o-riya ke liye kaho aamin
akele rahna to sharminda KHud pe ho lena
abhi to jhuTi ana ke liye kaho aamin
main jaanti hun munafiq nahin ho tum ai dost
rahun main shad sada ke liye kaho aamin
rahe du'aon mein shamil kabhi na KHud-gharazi
har ek shai ki baqa ke liye kaho aamin
wo mil gaya hai to 'KHushbu' ko mil gaya sab kuchh
kaha ye dil ne piya ke liye kaho aamin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
