فریاد کر رہے ہیں ہر اک آشنا سے آپ

فریاد کر رہے ہیں ہر اک آشنا سے آپ

پر مانگتے نہیں کبھی اپنے خدا سے آپ

گر ہو خطا ہماری سزا دیں ہمیں مگر

محروم تو نہ کیجیے اپنی دعا سے آپ

گر اعتبار آپ کو مجھ پہ نہیں ذرا

پھر پوچھیں حال میرا سکوت فزا سے آپ

اک فون اور بس یہ رہائی ہوئی تمام

کیوں خوف کھا رہے ہیں یوں وقتی سزا سے آپ

ہر بات کی خبر ہے ہر اک چیز کا پتہ

شاید بہت قریب ہیں باد صبا سے آپ

ٹھوکر لگی تھی راہ میں جس شخص کے سبب

بہتر ہے کچھ تو دور ہیں اس رہنما سے آپ

مشتاقؔ جیت جائے نہ اک بار پھر انا

ناراض ہم بھی ہیں ذرا اور کچھ خفا سے آپ